Tiykarǵı mazmunǵa ótiw
Qarekeń
Qarekeń
Úles qosıw

Tez ótiw

Ruw, tulǵa yamasa maqala atın jazıń

Mámleketlik nıshanlar

Qaraqalpaqstan Respublikasınıń mámleketlik bayraǵı, gerbi, gimni hám Konstituciyası.

Qaraqalpaqstan Respublikasınıń mámleketlik bayraǵı

Mámleketlik bayraq

Tuwrı múyeshli mata: aspan kók, sarı hám jasıl reńli úsh kóldeneń jolaq. Sarı jolaq aq hám qızıl jiyekler menen ajıratılǵan. Kók jolaqta aq yarım ay hám bes aq juldız súwretlengen.

Qabıl etilgen
1992-jıl 14-dekabr
Eskiz avtorı
Jollıbay Izentaev
Eni menen uzınlıǵınıń qatnası
1 : 2
Qaraqalpaqstan Respublikasınıń mámleketlik gerbi

Mámleketlik gerb

Gerbte tawlar ústinen shıǵıp kiyatırǵan quyash, áyyemgi Shılpıq qalası, Ámiwdárya hám Aral teńizi súwretlengen. Olardı paxta shaqaları hám masaqlardan órilgen gúldáste qorshap tur. Ortasında qanatların jayǵan ápsanawiy Qumay qusı, joqarısında segizmúyeshlik ishinde yarım ay hám juldız, tómeninde «Qaraqalpaqstan» jazıwı bar.

Qabıl etilgen
1993-jıl 9-aprel
Eskiz avtorı
Jollıbay Izentaev

Mámleketlik gimn

Gimn haqqındaǵı nızam Joqarǵı Keńestiń sessiyasında qabıl etilgen.

Qabıl etilgen
1993-jıl 24-dekabr
Sózi
Ibrayım Yusupov
Naması
Najimaddin Muxammeddinov

Gimnniń teksti

Jayxun jaǵasında ósken bayterek,Túbi bir shaqası mıń bolar demek,Sen sonday sayalı, quyashlı elseń,Tınıshlıq hám ıǵbal sendegi tilek.

Naqıratı

Diyxan baba nápesi bar jerinde,Juwsan ańqıp, kiyik qashar shólinde,«Qaraqalpaqstan» degen atıńdı,Áwladlar ádiwler júrek tórinde.

Aydın keleshekke shaqırar zaman,Mártlik, miynet, bilim jetkizer oǵan,Xalqıń bar azamat, dos hám mehriban,Erkin jaynap-jasna, máńgi bol aman.

Naqıratı

Diyxan baba nápesi bar jerinde,Juwsan ańqıp, kiyik qashar shólinde,«Qaraqalpaqstan» degen atıńdı,Áwladlar ádiwler júrek tórinde.

Konstituciya

Qaraqalpaqstan Respublikasınıń Konstituciyası — respublikanıń tiykarǵı nızamı. Ol mámleketlik dúzilisti, puqaralardıń huqıq hám erkinliklerin, mámleketlik hákimiyat uyımlarınıń sistemasın belgileydi hám Ózbekstan Respublikası Konstituciyası kóleminde háreket etedi.

Qabıl etilgen
1993-jıl 9-aprel
Dúzilisi
alǵı sóz, 6 bólim, 26 bap
Tolıq tekstin oqıw

1-statya

Qaraqalpaqstan – Ózbekstan Respublikasınıń quramına kiretuǵın suverenli demokratiyalıq respublika. Mámlekettiń «Qaraqalpaqstan Respublikası» hám «Qaraqalpaqstan» ataması teń mánili.

Bayraq hám gerb súwretleri, gimnniń jazıwı — Wikimedia Commons, jámiyetlik múlk.